苗疆小说网

第235章 阴债 阳梦 铁牛地狱（第2页）

唱歌爱唱黄牛角。

牛鼻串有一条索。

莫同富人来攀比。

烂衫烂裤唔怕着。

烂衫烂裤也爱着。

教育子女爱拼搏。

凡事都爱再三思。

创业机遇爱把握。

唱歌爱唱牛嘴巴。

大炮唔好乱简车。

诚实待人手干净。

别人东西莫乱拿，

别人东西唔乱拿。

忠厚老实占冇差。

背后被人指背迹。

败坏名声害自家。

唱歌爱唱牛肚罗。

人生在世爱勤劳。

切莫好食又懒做。

人家有钱你又冇。

好食懒做样样冇。

莫做穷妹穷啊哥，

莫做穷妹穷啊哥。

遇到穷苦空日子。

唔怕做过夜摸摸。

唱歌爱唱牛背梅。

莫同他人比钱财。

只要精打又细算。

财源滚滚似水来，

财源滚滚似水来。

勤俭节约正应该。

莫话有钱就乱使。

冇钱介时就知哀。

唱歌爱唱牛尾巴。

和蔼待人正冇差。

男女平等来相处。